AL
EN
IT
ES
DE
RU
EL
PL
CS
Informacion
Shqipëria ka thyer rekord
historik në turizëm për vitin 2025, me mbi 12 milionë vizitorë të huaj që e vizituan vendin gjatë vitit, shifër që është më e larta
ndonjëherë dhe një rritje krahasuar me vitin e kaluar. Kjo jo vetëm që e
pozicionon vendin si një destinacion gjithëvjetor turistik, por po sjell edhe
ndikime të dukshme në ekonominë kombëtare dhe, veçanërisht, në tregun e pasurive të paluajtshme.
Një nga efektet më të qarta të
këtij fluksi të madh turistësh është rritja e kërkesës për akomodim, veçanërisht në zonat bregdetare dhe
qendrat urbane si Tirana,
Durrësi, Vlorë e Sarandë.
Sipas ekspertëve, një pjesë e madhe e pronave të banimit po shndërrohen në qira afatshkurtra për turistë përmes platformave si
Airbnb, duke reduktuar ofertën e banesave për qira afatgjata për banorët vendas
dhe duke shtyrë çmimet e qirave
lart. Kjo dukuri,
po komplikon edhe më tej situatën e tregut të qirasë.
Kjo rritje e kërkesës gjithashtu
po afekton çmimet
e pronave në zona
turistike dhe përreth tyre. Investitorët, të huaj dhe vendas po shohin mundësi
fitimi në projekte
të reja ndërtimi dhe rehabilitimi,
duke e bërë tregun e pasurive të paluajtshme një sektor më atraktiv se më parë.
Për shembull, investimet në zhvillime bregdetare dhe komplekse banimi, si
projektet moderne në Vlorë, po rrisin vlerën e tokës dhe pronave në atë zonë,
duke sjellë një cikël të ri investimesh.
Megjithatë, kjo dinamike ka
edhe sfida për banorët lokalë dhe për përballueshmërinë e banesave. Çmimet e
qirave dhe të blerjes vazhdojnë të rriten, duke bërë që strehimi të jetë më i
shtrenjtë për vendasit, veçanërisht në zonat më të kërkuara nga turistët. Për
më tepër, oferta e kufizuar e qirave afatgjata ka nxitur edhe rritje të kostove të jetesës në
përditshmëri, duke
e bërë më të vështirë për shumë banorë të gjejnë banim të përballueshëm. Këto
sfida nxisin nevojën për politika që të mbështesin banorët lokalë dhe të
krijojnë ekuilibër mes zhvillimit turistik dhe kërkesave të tregut të banimit.
