AL
EN
IT
ES
DE
RU
EL
PL
CS
Informacion
Sipas të dhënave të fundit të Bankës së Shqipërisë, tregu i pasurive të paluajtshme po tërheq gjithnjë e më shumë vëmendjen e investitorëve të huaj. Raporti më i ri tregon se afro 1 në 5 apartamente të shitur në Shqipëri gjatë 2024–2025 është blerë nga jorezidentë, me një pjesë dominuese të blerësve nga vendet e Bashkimit Europian. Nga 230 subjekte ndërtimi që raportuan për Bankën e Shqipërisë, rezulton se gjatë periudhës së fundit janë shitur 863 njësi banimi dhe rreth 18% e tyre i përkasin blerësve të huaj. Interesi më i lartë vërehet në Tiranë, si edhe në zonat bregdetare si Durrës, Vlorë dhe Sarandë, ku potenciali i investimit, qirave sezonale dhe rritjes së vlerës së pronës është dukshëm më i lartë. Ndërkohë, zonat periferike të kryeqytetit po tërheqin blerës që kërkojnë çmime më të favorshme, por me akses të shpejtë drejt qendrës. Në aspektin ekonomik, investimet nga të huajt në pasuri të paluajtshme arritën rreth 380 milionë euro vetëm gjatë vitit 2024, duke përbërë rreth 24% të totalit të Investimeve të Huaja Direkte në vend. Ky volum e shndërron real estate-in në një prej sektorëve më të rëndësishëm të ekonomisë shqiptare. Me rritjen e qartë të kërkesës nga investitorët e huaj dhe zhvillimin e projekteve të reja në të gjithë vendin, Shqipëria po konsolidohet si një nga tregjet më tërheqëse të rajonit. Çmimet ende konkurruese, përmirësimi i infrastrukturës dhe potenciali i lartë i qirave e bëjnë blerjen e një prone sot jo vetëm një zgjedhje banimi, por një strategji financiare afatgjatë. Për blerësit vendas dhe investitorët e rinj, kjo është periudha e duhur për të analizuar mundësitë, për të zgjedhur zonat me potencial dhe për të siguruar një pronë që garanton vlerë të qëndrueshme në vitet që vijnë. Blerja e një prone në Shqipëri sot do të thotë të investosh në një treg në rritje të sigurt, të kërkuar dhe plot mundësi.
